هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةأحدث الصورالتسجيلدخول

 

 ابتســـــــم فأنت في الاردن

اذهب الى الأسفل 
2 مشترك
كاتب الموضوعرسالة
امير الحب
المدير العام
المدير العام
امير الحب


عدد الرسائل : 306
الموقع : http:/www.alreashy.y007.com
تاريخ التسجيل : 17/03/2008

ابتســـــــم فأنت في الاردن Empty
مُساهمةموضوع: ابتســـــــم فأنت في الاردن   ابتســـــــم فأنت في الاردن I_icon_minitimeالجمعة أبريل 04, 2008 8:14 am

ابتسم فأنت في الاردن

اذا مشيت بالشارع يوم من الايام وشفت سيارة تكسي صفرا من جوا ضو ازرق وسي دي معلق ع المراي وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات فأنت تسير في شوارع الاردن

اذا كنت واقف ع الاشارة ولما تصير صفرا بتسمع سبعين واحد بيزمرو وراك فأنت في الاردن

اذا كنت ماشي وعلى 200 متر اشارة خضرا وشفت كل السيارات بتتجاوز عنك عن اليمين وعن الشمااال مش فارقة المهم يلحقوا الاشارة خضرا بتكون في الاردن

اذا دخلت اي دائرة حكومية وشفت الموظف قاعد ماد بوزه ومكشر فلتبتسم لانك في احدى الدوائر الحكومية في الاردن

اذا سمعت الحوار التالي :-
الو
الو
مرحبا
هلا ... هلا
كيف الحال
والله الحمدالله انت شو اخبارك
تمام الله يسلمك
شو فيه ما فيه
والله صافيه وافيه... مين معي !!!
انت الطالب مين حضرتك
مش تليفون ابو غازي
لا ياخوي النمرة غلط
آه حقك علي علي ياااابه
ولا يهمك كسبنا سماع هالصوت
ياسيدي الله يحي اصللك من وين انت
انا من الملاطشه
هاظا احنا قرايب شو بكونلك مزعل الملاطشه
والله مابعرف اكيد من هالعيله عدم المؤاخذه الملاطشه كثااار هو شو بشتغل مزعل


خابره لواء بالدائرة....
اهههههههههههههه هاظ بكون ابن عم ابوي الخي البي وامبارح سهر عنا
ياسيدي حياااك الله مع السلامة
هلا هلا هلا الله معك طبعا اذا سمعت مثل هذا الحوار ... والنمرة اكيد غلط اكيد انت في الاردن

اذا رن عليك واحد مش شااايفه صارلك عشر طعشر سنه وساعة وهو يمدح فيك واخر شي سألك بالله وين محول راتبك اكيد انت في الاردن

اذا سمعت كلمة صافية وافيه وهي لا صافيه ولا وافيه بتكون بالاردن

اذا الدنيا رشت شوية برد ووزارة التربية علقت الدراسة ... والحكومةاعلنت عطلة رسمية بسب خوفها من الثلج الغااادر... والتلفزيووون بث مسرحية العياال كبرت معناته انت كمان بالاردن
اذا شفت الجو هه برشرش ثلج والناس بتقدر تركظ عالخبز والكاز بس مابتقدر تروح تداوم برضه بتكون بالاردن

اذا شفت بكم ديانا موديل الف وتسعميه وخشبه محمل بندورة والشوفير شاد الشماغ على راسه ومش شايف لا شمال ولا يمين ويا ارض اشتدي ما عليكي حد قدي بدي اسبق كل التكاسي بتكووون بالاردن

وبالرغم من كل اللي بالاردن بنضل نحكي ..... ومن قلوبناااا شو حلوووة ياااا بلدي
الرجوع الى أعلى الصفحة اذهب الى الأسفل
رومنسي منسي
مشرف عام
مشرف عام
رومنسي منسي


عدد الرسائل : 262
العمر : 36
الاوسمة : ابتســـــــم فأنت في الاردن Thank
تاريخ التسجيل : 27/03/2008

ابتســـــــم فأنت في الاردن Empty
مُساهمةموضوع: رد: ابتســـــــم فأنت في الاردن   ابتســـــــم فأنت في الاردن I_icon_minitimeالثلاثاء مايو 27, 2008 1:58 am

Laughing ابتسم لاحلا اردن
الرجوع الى أعلى الصفحة اذهب الى الأسفل
 
ابتســـــــم فأنت في الاردن
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: عن الاردن واغاني اردنية وشعبية وبعض صور المحافظات :: الاردن في القلب ....نقاشات جادة وساخرة-
انتقل الى: