اقوي برنامج انتي فيرس Kaspersky Anti-Virus Control Centre

اقدم لكم اليوم نسخه نادره من اقوي برنامج مكافحه فيروسات شاهدته حتي الان وعن تجربه فعليه ويعتبر اقوي من النورتون بكثير وسوف اقوم ايضا بعمل شرح متواضع لتنصيب البرنامج وتشغيله وعمل الابديت له وارجو ان يستفيد الساده الاعضاء من البرنامج والشرح كما ارجو ان استمتع بالردود والاراء حول البرنامج يعني بالبلدي بلاش تحمل وتجري شارك ولو بكلمه سواء حلوه او وحشه بس قول رأيك لأنه يهمني ودلوقتي ندخل علي المفيد :

1 - طبعا التنصيب بيتم عادي يعني نضغط نكست نكست لغايه ما يطلب مفتاح التسجيل وهنا نحدد مكان المفتاح وهو عباره عن ملف مش سريال او باتش وده حنلاقيه في المرفقات مع البرنامج وبعد كده حيطلب ريستارت ماشي خليك معاه

2 - الجهاز اشتغل استني عليه لغايه ما يحمل وتظهر علامه البرنامج بجوار الساعه تمام ظهرت كده البرنامج شغال ما ظهرتش راجع تاني الخطوات واحده واحده

3 - نيجي بقي لأهم حاجه في الموضوع وهو تشغيل البرنامج نفسه طبعا العمليه مش صعبه بس في نفس الوقت مش سهله زي ما كلنا اخدنا علي النورتون وممكن نتعرف عليها مع بعض واحد واحده

تعالوا بقي نشغل البرنامج ونعمله ابديت
واهم حاجه الابديت اول حاجه نضغط دبل كليك علي رقم 2 في واجه البرنامج حتظهر لنا صفحه تانيه وشرحها كالآتي
عمل ابديت حنلاقي اختيار اول واكيد متعلم عليه وده بيدل علي ان البرنامج حيدخل النت علشان التحديث وتاني واحده دي اللي احنا بنعلم عليها في الاول حتفتح سطر تحتيها وفيه مربع نضغط المربع ونحدد مكان الملف الموجود مع البرنامج وبعد كده نضغط اوكي حنرجع للواجهه تاني وهنا بفكركوا نضغط ابلاي اللي هي رقم 5 تمام كده البرنامج مستعد لعمل الابديت من الملف ودلوقتي نضغط رقم 4 وننتظر لغايه ما تظهر كلمه دن في المربع رقم 2 كده الابديت الاول تم
دلوقتي نرجع نعمل دبل كليك علي رقم 2 تاني ونرجع نحدد الاختيار الاول ان البرنامج يدخل النت وبعد كده نفس الخطوات يعني اوك وبعدين ابلاي وبعدين رقم 4 والانتظار حتي يتم الابديت وكده يا ساده البرنامج بقي زي الفل ومتحدث تمام

لعمل سكان بالبرنامج نضغط رقم 3 وبعد كده رقم 4 بس فيه هنا ملحوظه صغيره الكاسبرسكي جامد في الاسكان بتاعه يعني يفضل ان انت ما تعملش اي حاجه علي الجهاز اثناء عمل الاسكان وكمان بنصح بشده الساده الاعضاء اللي الاجهزه بتاعتهم متواضعه يعني بنتيم 3 واقل انهم ما ينزلوش البرنامج لأنه حايشل الجهاز ومش حاتستقيد بيه وعلي فكره كل الكلام ده عن تجربه فعليه
وارجو اني اكون نجحت في تقديم شرح كافي للبرنامج وياريت تدعولي لو عجبكوا _ اوماعجبكوش برضه ادعولي _ والبرنامج مع الصور الخاصه بالشرح والمفتاح وملف الابديت رفعتهم وده الرابط وانشاء الله ححاول ارفعه علي موقع تاني علشان يستفاد بيه اكبر عدد من الاعضاء وياريت لو الساده المشرفين يتكرموا بتثبيت الموضوع لفتره كافيه حد عنده ملحوظه او يقدر يفيد الموضوع بشيئ مافيش مانع المهم في الآخر ان الكل يستفيد وشكرا للجميع وياريت لو حد من الساده المشرفين يساعدني ويرفع البرنامج للموقع
رابط تحميل البرنامج : http://rapidshare.de/files/4976612/kaspersky.rar.html

الرفع علي موقع ميجا اب لوود

http://www.megaupload.com/?d=22DL4FVB


ادعس علا كل الناس مش لا انك بطل لانك اردني ترفع الراس (احمد المتنمرد)